మే 05, (నేటి తెలుగు పత్రిక): తమిళనాడు రాజకీయాల్లో టీవీకే పార్టీ సంచలన విజయంతో కొత్త అధ్యాయం ప్రారంభమైంది. పార్టీ అధినేత విజయ్ నేతృత్వంలో తొలి ఎన్నికలకే భారీ ప్రభావం చూపడం విశేషంగా మారింది. సుమారు వందకు పైగా స్థానాల్లో ఆధిక్యం సాధిస్తూ టీవీకే పార్టీ రాజకీయ సమీకరణాలను మార్చేసింది.ఈ నేపథ్యంలో తెలుగు స్టార్ హీరో మహేష్ బాబు సోషల్ మీడియా వేదికగా స్పందించారు. “సరికొత్త రికార్డులతో అద్భుత విజయం సాధించారు. ప్రజలు మీపై ఉంచిన నమ్మకానికి ఇది నిదర్శనం” అంటూ విజయ్ను అభినందించారు. తమిళనాడు అభివృద్ధికి ఈ విజయం కొత్త మార్గాలను సృష్టిస్తుందని ఆయన విశ్వాసం వ్యక్తం చేశారు.విజయ్ రాజకీయాల్లోకి వచ్చిన తక్కువ సమయంలోనే యువతలో విపరీతమైన ఆదరణ పొందడం టీవీకే ఎదుగుదలకు ప్రధాన కారణంగా కనిపిస్తోంది. పారదర్శక పాలన, ప్రజా సమస్యలపై దృష్టి వంటి అంశాలు ప్రజల్లో విశ్వాసాన్ని పెంచాయి.ఈ ఫలితాలతో తమిళనాడులో సంప్రదాయ రాజకీయాలకు సవాల్ విసురుతూ కొత్త ప్రత్యామ్నాయ శక్తిగా టీవీకే ఎదుగుతోందని రాజకీయ విశ్లేషకులు అభిప్రాయపడుతున్నారు.
