మహిళా టీచర్స్ డే: సావిత్రిబాయి పూలే జయంతి సందర్భంగా సీతక్క నివాళులు
హైదరాబాద్: దేశంలో తొలిసారిగా సావిత్రి భాయి పూలే (Savitribai Phule) జయంతిని అధికారికంగా మహిళా ఉపాధ్యాయ దినోత్సవంగా నిర్వహించడం గర్వకారణమని మంత్రి సీతక్క పేర్కొన్నారు. హైదరాబాద్లోని ప్రజా భవన్ (Praja Bhavan) లో సావిత్రిబాయి చిత్రపటానికి పూలమాల వేసి ఘన నివాళి అర్పించారు.
“మహిళా టీచర్స్ డే ప్రకటించిన ముఖ్యమంత్రి”
బాలికల విద్య కోసం విశేష కృషి చేసిన సావిత్రిబాయి పూలే జయంతిని మహిళా టీచర్స్ డేగా ప్రకటించిన ముఖ్యమంత్రి రేవంత్ రెడ్డికి సీతక్క ధన్యవాదాలు తెలిపారు. “మేధావి సావిత్రిబాయి స్ఫూర్తి భవిష్యత్ తరాలకు మార్గదర్శకమవుతుందని,” ఆమె వ్యాఖ్యానించారు.
“మహిళా సాధికారతకై రేవంత్ ప్రభుత్వ కృషి”
గత ప్రభుత్వాలు పట్టించుకోలేని సావిత్రిబాయి పూలే సేవలకు గుర్తింపు ఇచ్చిన దళిత, బడుగు వర్గాలను గౌరవించిన రేవంత్ ప్రభుత్వంగర్వించదగ్గ నిర్ణయాలు తీసుకుంటోందని సీతక్క తెలిపారు. మహిళల ఆర్థిక, సామాజిక సాధికారతకై కృషి చేస్తున్న తమ ప్రభుత్వం, సామాన్య మహిళలను కోటీశ్వరులుగా తీర్చిదిద్దేందుకు కట్టుబడి ఉందని పేర్కొన్నారు.
“ఇందిరా మహిళా శక్తి స్కీమ్: మొబైల్ ఫిష్ వెహికల్స్ అందజేత”
ఇందిరా మహిళా శక్తి స్కీమ్లో భాగంగా మొబైల్ చేపల విక్రయ వాహనాలను (Mobile Fish Vehicles) మహిళా సంఘాలకు మంత్రి సీతక్క అందజేశారు. “చేపల విక్రయ వ్యాపారాలకు 100% సక్సెస్ రేట్ సాధించాలి,” అని ఆకాంక్షించారు. “నాణ్యతతో, రుచికరమైన చేపల వంటకాలు తయారుచేసి బ్రాండ్ క్రియేట్ చేయండి,” అని సూచించారు.
“ఆడబిడ్డల చదువుకు మార్గదర్శి”
మహిళలను ఇంటికే పరిమితం చేయాలనే మూఢనమ్మకాలను ధిక్కరించి సావిత్రిబాయి పూలే నిరూపించిన చదువు గొప్పతనం, నేటి మహిళా సాధికారతకు మార్గదర్శకమని సీతక్క వ్యాఖ్యానించారు.
“ఇందిరా మహిళా క్యాంటీన్లు ఆదర్శం కావాలి”
అమ్మ చేతి వంటకు మారుపేరుగా ఇండిరా మహిళా క్యాంటీన్లు అందరికీ ఆదర్శంగా నిలవాలని, ఈ వ్యాపారం గ్రామీణ ప్రాంతాల వరకు విస్తరించాలన్న ఆకాంక్షను వ్యక్తం చేశారు.
“మహిళా సాధికారతే ప్రభుత్వ లక్ష్యం”
మహిళా సంఘాలకు లోన్ భీమా పథకం అమలు చేస్తూ 17 రకాల వ్యాపారాలతో ఉపాధి కల్పిస్తున్నామని మంత్రి వివరించారు. “మహిళలను సాధికారత కలిగించడమే మా ప్రభుత్వ లక్ష్యం,” అని పేర్కొన్నారు.