అల్లు అర్జున్ అరెస్టును ఖండించిన హరీష్ రావు
హైదరాబాద్, డిసెంబర్ 13, 2024:
అల్లు అర్జున్ అరెస్టు వ్యవహారంపై మంత్రి హరీష్ రావు తన అసహనం వ్యక్తం చేశారు. ఈ ఘటనలో అసలు బాధ్యులు ఎవరో తెలుసుకోవాల్సిన అవసరం ఉందని, బెనిఫిట్ షోలకు అనుమతి ఇచ్చిన వారు, ముందు జాగ్రత్తలు తీసుకోకుండా సినిమా ప్రదర్శించిన వారే ఈ దుస్థితికి కారకులని పేర్కొన్నారు.
“సినిమా కోసం థియేటర్కు వెళ్లిన రేవతి అనే మహిళ ప్రాణాలు కోల్పోవడం చాలా బాధాకరం. దీనికి అసలు కారణం రాష్ట్ర పాలకులే. ఈ ఘటనకు పూర్తి బాధ్యత కాంగ్రెస్ ప్రభుత్వానిదే,” అని హరీష్ రావు అన్నారు.
అదేవిధంగా, గతంలో చోటుచేసుకున్న మరికొన్ని ఘటనలను ప్రస్తావిస్తూ, “సీఎం రేవంత్ రెడ్డి సొంత గ్రామంలో మాజీ సర్పంచ్ సాయి రెడ్డి, రైతు సురేందర్ రెడ్డి ఆత్మహత్యలు చేశారు. ఆత్మహత్యలకు కారణమైన రేవంత్ రెడ్డి బ్రదర్స్పై చర్యలు ఎందుకు తీసుకోలేదు?” అని ప్రశ్నించారు.
“రైతులను బలిగొన్న పాలనను నిలదీయాలి. చట్టం అల్లు అర్జున్ విషయంలో మాత్రమే కాకుండా, రేవంత్ రెడ్డి అండ్ బ్రదర్స్ విషయంలోనూ సమానంగా పని చేయాలి. చట్టం ఎవరికీ చుట్టం కాకూడదు,” అని హరీష్ రావు స్పష్టం చేశారు.
ఈ వ్యాఖ్యలు రాజకీయ వర్గాల్లో భారీ చర్చకు దారి తీస్తున్నాయి.