ఏప్రిల్ 09, నేటి తెలుగు పత్రిక: బెంగళూరులో సంచలనం రేపిన డాక్టర్ కృతిక రెడ్డి హత్య కేసులో కీలక పరిణామాలు వెలుగులోకి వచ్చాయి. ఈ కేసులో ప్రధాన నిందితుడైన భర్త మహేందర్ రెడ్డికి కోర్టు బెయిల్ నిరాకరించింది.విచారణ సందర్భంగా నిందితుడికి బెయిల్ మంజూరు చేస్తే దర్యాప్తుపై ప్రభావం పడే అవకాశం ఉందని ప్రాసిక్యూషన్ వాదించగా, కోర్టు ఆ వాదనను సమర్థిస్తూ బెయిల్ను తిరస్కరించింది. దీంతో మహేందర్ రెడ్డి జైలులోనే కొనసాగనున్నాడు.దర్యాప్తులో భాగంగా పోలీసులు సేకరించిన డిజిటల్ ఆధారాలు కేసును మరింత బలపరుస్తున్నాయి. నిందితుడు తన భార్య హత్యకు సంబంధించిన సందేశాలు పంపినట్లు గుర్తించినట్టు సమాచారం. ఇవి కీలక సాక్ష్యాలుగా మారనున్నాయి.పోలీసుల సమాచారం ప్రకారం, మహేందర్ రెడ్డి ప్రొపోఫాల్ అనే అనస్తీషియా మందును అధిక మోతాదులో ఇచ్చి హత్య చేసినట్టు అనుమానం వ్యక్తమవుతోంది. అనంతరం ఈ ఘటనను సహజ మరణంగా చూపించే ప్రయత్నం చేసినట్టు భావిస్తున్నారు.ప్రస్తుతం పోలీసులు ఫోరెన్సిక్ పరీక్షలు నిర్వహిస్తూ, మరిన్ని ఆధారాలు సేకరిస్తున్నారు. ఈ కేసులో మరెవరైనా ప్రమేయం ఉందా అన్న కోణంలో కూడా దర్యాప్తు కొనసాగుతోంది.
డాక్టర్ కృతిక రెడ్డి హత్య కేసులో కీలక మలుపు.. భర్తకు బెయిల్ నిరాకరణ
