ఏప్రిల్ 16, నేటి తెలుగు పత్రిక: మైక్రో ఫైనాన్స్ వివాదంలో తన పేరు వినిపించడం పట్ల ప్రముఖ గాయని మంగ్లీ తీవ్రంగా స్పందించారు. ఈ వ్యవహారంతో తనకు ఎలాంటి సంబంధం లేదని స్పష్టం చేస్తూ, తాను కూడా బాధితురాలినేనని తెలిపారు. ఇప్పటివరకు “మైక్రో ఫైనాన్స్” అనే విషయమే తనకు తెలియదని చెప్పిన మంగ్లీ, అలాంటిది పెద్ద కుట్రలో భాగమయ్యానని ఆరోపించడం ఆశ్చర్యానికి గురి చేసిందని పేర్కొన్నారు. ఆధారాలు లేకుండా తన పేరును ఈ వివాదంలో లాగడం వల్ల తన ప్రతిష్టకు నష్టం జరుగుతోందని ఆవేదన వ్యక్తం చేశారు.“అమాయక ప్రజలు డబ్బులు కోల్పోతే, నేను నా పేరు కోల్పోతున్నాను” అంటూ భావోద్వేగంతో స్పందించిన ఆమె, నిజాలు బయటకు రావాలని కోరారు. ఈ వ్యవహారంపై పూర్తి స్థాయి విచారణ జరిపి అసలు బాధ్యులను గుర్తించాలని ఆమె డిమాండ్ చేశారు.తాను ఎలాంటి తప్పు చేయలేదని, నిజం తప్పకుండా బయటపడుతుందని మంగ్లీ విశ్వాసం వ్యక్తం చేశారు.
ఆరోపణలపై మంగ్లీ ఆవేదన.. “నేను కూడా బాధితురాలినే”
