ఏప్రిల్ 30, (నేటి తెలుగు పత్రిక): తెలంగాణ రాజకీయాల్లో బీజేపీ చేరికల ప్రచారం హాట్టాపిక్గా మారిన వేళ, బీఆర్ఎస్ నేత, మేడ్చల్ ఎమ్మెల్యే చామకూర మల్లారెడ్డి దీనిపై ఘాటుగా స్పందించారు.ప్రధానమంత్రి నరేంద్ర మోదీని కలిసిన నేపథ్యంలో తాను బీజేపీలో చేరుతున్నానన్న వార్తలను ఆయన తీవ్రంగా ఖండించారు. బోయినపల్లిలో జరిగిన సేవా కార్యక్రమాల అనంతరం మీడియాతో మాట్లాడిన మల్లారెడ్డి, ఈ ప్రచారంపై అసహనం వ్యక్తం చేశారు.“ప్రధానిని కలిస్తే బీజేపీలో చేరినట్టేనా? ఇది ఎలాంటి హాట్ టాపిక్?” అంటూ ప్రశ్నించారు. ప్రజాస్వామ్యంలో నాయకులు ఒకరిని ఒకరు కలవడం సహజమని, దానికి రాజకీయ రంగు పులమడం సరైంది కాదని చెప్పారు.సోషల్ మీడియాలో వస్తున్న ప్రచారాన్ని కూడా ఆయన తప్పుబట్టారు. “ఎవరైనా ఏదైనా రాస్తారు… అందుకు నేను స్పందించాల్సిన అవసరం లేదు” అని స్పష్టం చేశారు. తనపై జరుగుతున్న ప్రచారం అసత్యమని, దానికి ఎలాంటి ఆధారాలు లేవని అన్నారు.అదే సమయంలో తాను బీఆర్ఎస్ పార్టీలోనే కొనసాగుతున్నానని స్పష్టం చేశారు. పార్టీ పట్ల తనకు పూర్తి నిబద్ధత ఉందని, భవిష్యత్తులో కూడా అదే పార్టీతో పనిచేస్తానని తెలిపారు.ఇక ప్రజాసేవపై దృష్టి పెట్టినట్లు పేర్కొంటూ, బోయినపల్లిలో నిర్వహించిన కార్యక్రమాల ద్వారా స్థానికులకు సహాయం అందించినట్లు చెప్పారు. ప్రజల సేవే తన లక్ష్యమని, రాజకీయాలు ప్రజల కోసం ఉండాలని వ్యాఖ్యానించారు.
“ఇది ఎలాంటి హాట్ టాపిక్?” – మల్లారెడ్డి ఫైర్
