ఏప్రిల్ 30, (నేటి తెలుగు పత్రిక): తెలంగాణ రాజకీయాల్లో ఆసక్తి రేపుతున్న కవిత కొత్త పార్టీ ‘TRS’కు ఎన్నికల సంఘం (EC) నుంచి ఆమోదం లభించింది. అయితే పార్టీ పేరులో చిన్న మార్పు చోటుచేసుకుంది. మొదటగా ప్రతిపాదించిన ‘తెలంగాణ రాష్ట్ర సేన’ పేరును కాకుండా, ‘తెలంగాణ రక్షణ సేన’ పేరును ఈసీ ఆమోదించింది.ఈ మేరకు పార్టీ అధినేత్రి కవితకు ఎన్నికల సంఘం అధికారికంగా లేఖ పంపినట్లు సమాచారం. ఇటీవల ఈ పార్టీ పేరుపై బీఆర్ఎస్ అభ్యంతరం వ్యక్తం చేయడంతోనే ఈ మార్పు జరిగినట్లు తెలుస్తోంది.పేరులో మార్పు ఉన్నప్పటికీ ‘TRS’ అనే సంక్షిప్త రూపానికి మాత్రం ఆమోదం రావడం రాజకీయంగా ప్రాధాన్యం సంతరించుకుంది. దీంతో కవిత రాజకీయంగా కొత్త అడుగులు వేయడానికి మార్గం సుగమమైంది.ఇక ఈ పరిణామం తెలంగాణ రాజకీయాల్లో మరింత చర్చకు దారితీసే అవకాశాలు కనిపిస్తున్నాయి.
