మే 09, (నేటి తెలుగు పత్రిక): తమిళ స్టార్ హీరో, తమిళగ వెట్రి కళగం (టీవీకే) అధినేత విజయ్పై ప్రముఖ నటి లైలా ప్రశంసలు కురిపించారు. విజయ్ ఎంతో సరళమైన వ్యక్తి అని, సెట్స్లో అందరితో గౌరవంగా మెలుగుతారని తెలిపారు. తాజాగా ఓ ఇంటర్వ్యూలో మాట్లాడిన ఆమె, విజయ్తో కలిసి పనిచేసిన అనుభవాలను గుర్తుచేసుకున్నారు.“విజయ్ ఇతరులకు సహాయం చేయాలనే మనస్తత్వం కలిగిన వ్యక్తి. ఆయనలో నాయకత్వ లక్షణాలు స్పష్టంగా కనిపిస్తాయి. సినిమాల్లో చూపిన క్రమశిక్షణ, అంకితభావం రాజకీయాల్లో కూడా కనిపిస్తాయి” అని లైలా వ్యాఖ్యానించారు.తమిళనాడు రాజకీయాల్లో విజయ్ ఎంట్రీపై ఇప్పటికే పెద్ద ఎత్తున చర్చ జరుగుతున్న వేళ, సినీ పరిశ్రమ నుంచి వస్తున్న మద్దతు మరింత ఆసక్తి రేపుతోంది. లైలా వ్యాఖ్యలు సోషల్ మీడియాలో వైరల్గా మారగా, అభిమానులు “విజయ్ నిజ జీవితంలో కూడా హీరోనే” అంటూ పోస్టులు చేస్తున్నారు.ఇక లైలా ప్రస్తుతం తన సెకండ్ ఇన్నింగ్స్లో బిజీగా కొనసాగుతున్నారు. ఇటీవల విడుదలైన ‘గోదారి గట్టుపైనా’ చిత్రంలో ఆమె పోషించిన పాత్రకు ప్రేక్షకుల నుంచి మంచి స్పందన లభిస్తోంది. కుటుంబ భావోద్వేగాలతో తెరకెక్కిన ఈ చిత్రంలో ఆమె నటనకు సినీ విమర్శకులు కూడా ప్రశంసలు కురిపిస్తున్నారు.
విజయ్ నిజ జీవితంలోనూ హీరోనే.. నటుడు మాత్రమే కాదు గొప్ప మనిషి: లైలా
