హైదరాబాద్, మే 31, (నేటి తెలుగు పత్రిక): తాను బీజేపీలో చేరతారంటూ ముఖ్యమంత్రి రేవంత్ రెడ్డి చేసిన వ్యాఖ్యలను బీఆర్ఎస్ సీనియర్ నేత హరీశ్ రావు తీవ్రంగా ఖండించారు.మీడియాతో మాట్లాడిన హరీశ్రావు, “నా పుట్టుక, నా రాజకీయ జీవితం, నా చావు కూడా బీఆర్ఎస్లోనే. పార్టీ మారడం గురించి ఎలాంటి ప్రశ్నే లేదు” అని స్పష్టం చేశారు. తాను జీవితాంతం కే. చంద్రశేఖర్ రావుతోనే ఉంటానని ఇప్పటికే ఎన్నోసార్లు ప్రకటించిన విషయాన్ని గుర్తు చేశారు.పార్టీలు మారడం సీఎం రేవంత్ రెడ్డికి అలవాటని విమర్శించిన ఆయన, “నాలుగు పార్టీలను మార్చిన వ్యక్తి నా రాజకీయ భవిష్యత్తు గురించి మాట్లాడటం ఆశ్చర్యంగా ఉంది. ఆయన మాటలకు విశ్వసనీయత ఉందా?” అని ప్రశ్నించారు.అలాగే కాంగ్రెస్లో ఉంటూనే బీజేపీకి అనుకూలంగా మాట్లాడుతున్నారని ఆరోపిస్తూ, రేవంత్ రెడ్డి రాజకీయ వైఖరిపై హరీశ్రావు విమర్శలు గుప్పించారు. తెలంగాణ ప్రజలు అన్నీ గమనిస్తున్నారని, బీఆర్ఎస్ శ్రేణులు పార్టీ బలోపేతంపై దృష్టి సారిస్తున్నాయని ఆయన పేర్కొన్నారు.
బీఆర్ఎస్లోనే నా రాజకీయ జీవితం: హరీశ్రావు
