|| Himanshu Ganam: The song that became the best gift for KTR ||
బీఆర్ఎస్ అధినేత కేసీఆర్ మనుమడు, పార్టీ వర్కింగ్ ప్రెసిడెంట్ కేటీఆర్ కుమారుడు హిమాన్షు రావు తన ప్రతిభతో మరోసారి అందరి దృష్టిని ఆకర్షించాడు. సామాజిక కార్యక్రమాల్లో చురుకుగా పాల్గొంటూ, తన సృజనాత్మకతతో మంత్రముగ్ధులను చేస్తోన్న హిమాన్షు, గతంలో పాడిన ‘గోల్డెన్ అవర్’ పాటతో ఎంతో మంది మనసులు గెలుచుకున్నాడు.
తాజాగా, తన తండ్రి కేటీఆర్ పట్ల ఉన్న ప్రేమను చాటుతూ హిమాన్షు ప్రత్యేకంగా ఒక పాటను పాడాడు. ‘యానిమల్’ మూవీలోని ‘ఓ నాన్న నువ్వు నా ప్రాణం’ అనే పాటను హిమాన్షు తన గాత్రంతో రికార్డ్ చేశాడు. ఈ పాటను హిమాన్షు జూలైలోనే పాడి, తన తండ్రి కేటీఆర్ బర్త్ డే కానుకగా అందజేశాడు. అయితే, సంతృప్తికరంగా లేదని భావించి అప్పట్లో విడుదల చేయలేదు.
తండ్రి కేటీఆర్ స్పందన
తాజాగా ఈ పాటను కేటీఆర్ ట్విట్టర్ (ఎక్స్) వేదికగా పంచుకుంటూ, తన భావోద్వేగాలను వ్యక్తం చేశారు. “తన కొడుకు హిమాన్షు ఈ పాటను నా బర్త్ డే కానుకగా రికార్డ్ చేశాడు. కానీ, అప్పట్లో విడుదల చేయలేదు. వారం క్రితం మొదటిసారి ఈ పాటను విన్నాను. హిమాన్షు గానం అద్భుతంగా ఉంది. పాటలోని సాహిత్యం నా హృదయాన్ని తాకింది. ఈ కష్టతరమైన సంవత్సరంలో నాకు దక్కిన ఉత్తమ బహుమతి ఇదే,” అంటూ కేటీఆర్ హిమాన్షు గానం పట్ల తన అభిమానం వ్యక్తం చేశారు.
తన కొడుకు హిమాన్షు ప్రతిభను కొనియాడుతూ, “తన గాత్రంతో నాకు ఉత్తమ బహుమతిని అందించిన బింకుకి (హిమాన్షు) ధన్యవాదాలు. ఓ తండ్రిగా గర్వపడుతున్నాను,” అని కేటీఆర్ పేర్కొన్నారు.
హిమాన్షు ప్రతిభ
సామాజిక కార్యక్రమాల్లో చురుకుగా పాల్గొంటూ, సంగీతంలో తనదైన ముద్ర వేస్తున్న హిమాన్షు, ఈ పాటతో మరోసారి తన సృజనాత్మకతను ప్రదర్శించాడు. హిమాన్షు పాడిన పాట కేటీఆర్ అభిమానుల హృదయాలను తాకి, వారి నుంచి ప్రశంసలు అందుకుంటోంది.
కేటీఆర్ భావోద్వేగ వ్యాఖ్యలు
తండ్రి ప్రేమను ప్రతిబింబించేలా కేటీఆర్ చేసిన వ్యాఖ్యలు, ఈ పాటపై ప్రేక్షకుల్లో ఆసక్తిని మరింత పెంచుతున్నాయి. ఈ గానం హిమాన్షు సృజనాత్మకతకు ఒక నిదర్శనంగా నిలుస్తోంది.
