బీసీ రిజర్వేషన్లు విద్య, ఉద్యోగాలకు వర్తింపజేయాలి

బీసీ రిజర్వేషన్లు విద్య, ఉద్యోగాలకు వర్తింపజేయాలి: దాసోజు శ్రవణ్ డిమాండ్

హైదరాబాద్‌, జనవరి 10: బీసీ రిజర్వేషన్లను (BC Reservations) విద్యా మరియు ఉద్యోగాలకు కూడా వర్తింపజేయాలని బీఆర్ఎస్ సీనియర్ నాయకుడు దాసోజు శ్రవణ్ కుమార్ డిమాండ్ చేశారు.

కాంగ్రెస్ ప్రభుత్వం స్థానిక సంస్థల ఎన్నికల్లో బీసీ రిజర్వేషన్ల పెంపు నిర్ణయంపై ఆయన ట్విట్టర్ వేదికగా స్పందిస్తూ, ఆసక్తికర వ్యాఖ్యలు చేశారు. రేవంత్ రెడ్డి ప్రభుత్వం బీసీలకు 42 శాతం రిజర్వేషన్లను స్థానిక సంస్థల్లో పెంచుతామని చెప్పడం నిజంగా కట్టుబడి ఉంటే, అదే రిజర్వేషన్ల పెంపు విద్య మరియు ఉద్యోగ రంగాలకు ఎందుకు వర్తించకూడదని ఆయన ప్రశ్నించారు.

బీసీలకు మరింత సాధికారత కోరుతూ

స్థానిక సంస్థల పరిమితులను దాటి బీసీ వర్గాలకు విద్యా, ఉద్యోగ రంగాల్లో కూడా 42 శాతం రిజర్వేషన్లు కల్పించాల్సిన అవసరం ఉందని దాసోజు శ్రవణ్ పేర్కొన్నారు.
అదేవిధంగా, ఈ నిర్ణయం ద్వారా బీసీ వర్గాల ప్రజలకు నిజమైన సాధికారత లభిస్తుందని అభిప్రాయపడ్డారు.

తెలంగాణను ప్రపంచానికి ద్వారంగా తీర్చిదిద్దుతాం: ముఖ్యమంత్రి రేవంత్ రెడ్డి

సీఎం రేవంత్ రెడ్డికి రిజర్వేషన్ల పెంపు నిర్ణయాన్ని అన్ని రంగాలకు విస్తరించే దిశగా చర్యలు తీసుకోవాలని కోరుతూ, బీసీ వర్గాల హక్కులను కాపాడాల్సిన అవసరం ఉందని దాసోజు శ్రవణ్ స్పష్టం చేశారు.