బీసీ రిజర్వేషన్ల పెంపు కోసం సుప్రీం కోర్టుకే వెళ్లాలి

బీసీ రిజర్వేషన్ల పెంపు కోసం సుప్రీం కోర్టుకే వెళ్లాలి: శ్రీనివాస్ గౌడ్

హైదరాబాద్, జనవరి 10: బీసీ రిజర్వేషన్ల పెంపు కోసం సుప్రీం కోర్టును ఆశ్రయించాలని మాజీ మంత్రి శ్రీనివాస్ గౌడ్ (Former Minister Srinivas Goud) పేర్కొన్నారు. అఖిల భారత బీసీ ఫెడరేషన్ మరియు బీసీ సంక్షేమ సంఘం ఆధ్వర్యంలో ఖైరతాబాద్‌లోని మోక్షగుండం విశ్వేశ్వరయ్య భవన్లో జరిగిన బీసీల సమాలోచన సమావేశంలో ఆయన మాట్లాడారు.

ఈ సమావేశంలో సమగ్ర కుల గణన, జనాభా ఆధారంగా బీసీ రిజర్వేషన్ల పెంపు వంటి అంశాలపై పవర్ పాయింట్ ప్రజెంటేషన్ నిర్వహించడంతో పాటు, బీసీ రిజర్వేషన్ల చట్టం డ్రాఫ్ట్పై చర్చించారు.

తమిళనాడులో అధ్యయనం – కేంద్రానికి వినతిపత్రం

శ్రీనివాస్ గౌడ్ మాట్లాడుతూ, తమిళనాడుకు వెళ్లి బీసీ రిజర్వేషన్ల అమలుపై అధ్యయనం చేస్తామని చెప్పారు. బీసీ సంఘాల తరపున ఒక ప్రతినిధి బృందం ఢిల్లీకి వెళ్లి కేంద్ర ప్రభుత్వానికి రిజర్వేషన్ల పెంపు అంశంపై వాదన వినిపించనుందని తెలిపారు.

ఉల్లంఘనలపై ఆందోళన

రాష్ట్రంలో ఉద్యోగ నియామకాలు, కళాశాలలు, మెడికల్ కాలేజీల్లో బీసీ రిజర్వేషన్లను ఉల్లంఘిస్తున్నారని ఆందోళన వ్యక్తం చేశారు. ప్రభుత్వం 42% రిజర్వేషన్ల అంశంపై తేల్చుకోవాలని, బీసీ రిజర్వేషన్ల సాధన కోసం ప్రజలు పోరాడాల్సిందేనని సూచించారు.

తెలంగాణను ప్రపంచానికి ద్వారంగా తీర్చిదిద్దుతాం: ముఖ్యమంత్రి రేవంత్ రెడ్డి

సుప్రీంకోర్టులో బీసీ న్యాయమూర్తుల లేమి

సుప్రీంకోర్టులో బీసీ వర్గానికి చెందిన ఒక్క న్యాయమూర్తి కూడా లేకపోవడంపై శ్రీనివాస్ గౌడ్ విచారం వ్యక్తం చేశారు.

సమావేశంలో నేతల సూచనలు

ఈ సమావేశంలో ఎమ్మెల్సీ బండ ప్రకాశ్, టీపీసీసీ ప్రధాన అద్దంకి దయాకర్, బీజేపీ నేత, మాజీ ఎంపీ డాక్టర్ బూర నర్సయ్యగౌడ్ తదితర బీసీ నాయకులు పాల్గొన్నారు. 42% బీసీ రిజర్వేషన్ల సాధన కోసం అనుసరించాల్సిన మార్గాలను చర్చించారు.

రాష్ట్ర ప్రభుత్వం కేంద్రానికి అనుకూలంగా వ్యవహరించవచ్చు కానీ, బీసీల హక్కుల కోసం పోరాడటమే మన కర్తవ్యమని పాల్గొన్న నేతలు స్పష్టం చేశారు. రాజకీయ పార్టీలకతీతంగా బీసీ సంఘాలు కలిసి పనిచేయాల్సిన అవసరం ఉందని సమావేశంలో నిర్ణయించారు.