రైతు భరోసా, ఆత్మీయ భరోసా పథకాలపై లబ్ధిదారులలో ఆసక్తి
తెలంగాణ సీఎం రేవంత్ రెడ్డి ప్రభుత్వం గణతంత్ర దినోత్సవం సందర్భంగా ప్రతిష్టాత్మకంగా ప్రారంభించిన రైతు భరోసా (Rythu Bharosa) మరియు ఇందిరమ్మ ఆత్మీయ భరోసా (Indiramma Atmiya Bharosa) పథకాలపై లబ్ధిదారుల్లో ఉత్కంఠ నెలకొంది. పథకాల కింద సహాయం ఎప్పుడు ఖాతాల్లో జమ అవుతుందోనని రైతులు, భూమిలేని కూలీలు ఆసక్తిగా ఎదురుచూస్తున్నారు.
రైతు భరోసా కింద పంట సాగు చేస్తున్న ప్రతి ఎకరా భూమికి రూ. 6,000 చొప్పున రైతుల అకౌంట్లలో జమ చేయనున్నారు. అలాగే ఇందిరమ్మ ఆత్మీయ భరోసా ద్వారా భూమిలేని వ్యవసాయ కూలీలకు కూడా రూ. 6,000 సాయం అందించనున్నారు. ఈ సీజన్ నుంచి ఏడాదికి రూ. 12,000 అందిస్తామని ప్రభుత్వం ప్రకటించింది.
సహాయం జమ ప్రక్రియ:
- అర్ధరాత్రి నుంచి లబ్ధిదారుల ఖాతాల్లో సొమ్ము జమ కానున్నట్లు అధికారులు తెలిపారు.
- మొదట ఒక ఎకరా వరకు, తరువాత ఎంకరంన్నర, రెండు ఎకరాలుగా విడతల వారీగా డబ్బులు జమ చేస్తారు.
- ‘ఈ కుబేర్’ విధానం ద్వారా నగదు జమ ప్రక్రియ కొనసాగనుంది.
నాలుగు పథకాల అమలు:
ఆదివారం ప్రభుత్వం రైతు భరోసా, ఆత్మీయ భరోసా, ఇందిరమ్మ ఇల్లు, రేషన్ కార్డుల జారీ పథకాలను లాంచనంగా ప్రారంభించింది.
- ఈ పథకాలు ప్రతి మండలంలో నూరుశాతం అమలు చేయాలని ప్రభుత్వం తెలిపింది.
- లబ్ధిదారుల గుర్తింపు ప్రక్రియ మార్చి వరకు కొనసాగనుంది.
రైతులు, నిరుపేదలు ఈ పథకాల ద్వారా తమ ఆర్థిక పరిస్థితులను మెరుగుపరచుకునే అవకాశం పొందుతారని ప్రభుత్వం ఆశాభావం వ్యక్తం చేసింది.