ఎన్నికల హామీలన్నీ అమలు చేస్తాం: బీజేపీ ఎంపీ లక్ష్మణ్

|| We will implement all election promises: BJP MP Laxman ||

కేంద్రంలోని ఎన్డీఏ ప్రభుత్వం (NDA Govt) ఎన్నికలకు ముందు ఇచ్చిన ప్రతి హామీని అమలు చేస్తామని బీజేపీ ఎంపీ లక్ష్మణ్ (BJP MP Laxman) స్పష్టం చేశారు. గురువారం ఆయన మీడియాతో మాట్లాడారు.

మూసీ, యమునా నదుల ప్రక్షాళనపై స్పందన

మూసీ నది ప్రక్షాళన (Musi River Cleaning) పట్ల బీజేపీకి ఎటువంటి వ్యతిరేకత లేదని లక్ష్మణ్ తెలిపారు. “ప్రజలకు ప్రత్యామ్నాయాన్ని చూపిన తర్వాతే మూసీ పరివాహక ప్రాంతాల (HYD Musi Catchment Areas) ప్రజలను ఖాళీ చేయించాలి” అని కాంగ్రెస్ ప్రభుత్వానికి సూచించారు. యమునా నది ప్రక్షాళన సహా అన్ని ప్రాజెక్టులను కూడా కేంద్రం నిబద్ధతతో అమలు చేస్తుందని పేర్కొన్నారు.

ముఖ్యమంత్రి రేవంత్ రెడ్డి ని కలిసిన వేములవాడ శ్రీ రాజ రాజేశ్వర

తెలంగాణలో డబుల్ ఇంజిన్ సర్కార్ ఖాయం

లక్ష్మణ్ మాట్లాడుతూ, “త్వరలోనే తెలంగాణలో డబుల్ ఇంజిన్ సర్కార్ రావడం ఖాయం” అని ధీమా వ్యక్తం చేశారు. అధికారంలోకి వచ్చిన కేవలం ఏడాదిలోనే ఇంత వ్యతిరేకత ఎదుర్కొంటున్న ప్రభుత్వం తెలంగాణలో ఇంతకుముందెప్పుడూ లేదని అన్నారు. ఎన్నికలు ఎప్పుడు జరిగినా బీజేపీ అధికారంలోకి రావడం ఖాయం అని జోస్యం చెప్పారు.

రేవంత్ రెడ్డి హామీలు అన్నీ అటకెక్కాయి

• ఎన్నికల ముందు ఇచ్చిన హామీల్లో ఏ ఒక్కటీ అమలు చేయలేదని రేవంత్ రెడ్డి (CM Revanth Reddy)పై విమర్శలు గుప్పించారు.
• “బీఆర్ఎస్ హయాంలో ఇచ్చిన నోటిఫికేషన్ల ప్రకారం నియామక పత్రాలు అందజేస్తూ.. తానే 50,000 ఉద్యోగాలు ఇచ్చినట్లు రేవంత్ రెడ్డి భుజాలు తడుముకుంటున్నారు” అని ఎద్దేవా చేశారు.
• “ప్రతి ఏడాది రెండు లక్షల ఉద్యోగాలు ఇస్తానని నిరుద్యోగులను నమ్మించి మోసం చేశారు. కానీ ఇప్పటి వరకు జాబ్ క్యాలెండర్ కూడా విడుదల చేయలేదు” అని ఆరోపించారు.

ప్రజలకు ఏమీ అందలేదు

రాష్ట్రంలో కాంగ్రెస్ ప్రభుత్వం చేపట్టిన పథకాల్లో ఒక్క ఆర్టీసీ ఉచిత ప్రయాణం తప్ప ఏదీ పూర్తిగా అమలు కావడం లేదని లక్ష్మణ్ విమర్శించారు.

రేపు, ఎల్లుండి సెలవు

• మహిళలకు ₹2500 ఆర్థిక సహాయం లేదు.
• వృద్ధులు, వికలాంగులకు పెంచిన పించన్లు అందడం లేదు.
• బతుకమ్మ చీరలు, రైతుబంధు, రైతు భరోసా, దళితబంధు వంటి పథకాలు అటకెక్కాయి.

“కాంగ్రెస్ ప్రభుత్వం ప్రజలను మోసం చేస్తోంది. ప్రజలు త్వరలోనే కాంగ్రెస్‌కు బుద్ధి చెబుతారు” అని లక్ష్మణ్ వ్యాఖ్యానించారు.