వరంగల్,28 ఫిబ్రవరి 2026,నేటి తెలుగు పత్రిక: గాదె ఇన్నయ్య తల్లి మరణం నుంచి కోలుకోకముందే, ఆయన తండ్రి గాదె సోలమన్ రెడ్డి ఈ రోజు తెల్లవారుజామున కన్నుమూశారు. అనారోగ్యంతో కొంతకాలంగా మంచానికే పరిమితమైన సోలోమాన్ రెడ్డి ఉదయం 6 గంటలకు స్వగృహంలో తుదిశ్వాస విడిచారు.ఇప్పటికే జనవరి 15న ఇన్నయ్య తల్లి థెరిసమ్మ మృతి చెందారు. వరుసగా ఇద్దరు తల్లిదండ్రుల మృతితో కుటుంబంలో తీవ్ర విషాదం నెలకొంది.ఇదిలా ఉండగా, గాదె ఇన్నయ్య ప్రస్తుతం చట్టవిరుద్ధ కార్యకలాపాల నిరోధక చట్టం (UAPA) చట్టం కింద అరెస్టై రిమాండ్లో ఉన్నారు. కుటుంబంలో చోటుచేసుకున్న ఈ వరుస దుఃఖ సంఘటనలు స్థానికంగా చర్చనీయాంశమయ్యాయి.
