మార్చి 23, నేటి తెలుగు పత్రిక: మాజీ మంత్రి మల్లారెడ్డి సంచలన వ్యాఖ్యలతో మరోసారి వార్తల్లో నిలిచారు. ఎ. రేవంత్ రెడ్డి ముఖ్యమంత్రిగా అవ్వడంలో తన పాత్ర ఉందని ఆయన పేర్కొన్నారు.రెడ్డి సామాజికవర్గంలో శక్తివంతమైన నాయకుడిగా రేవంత్ రెడ్డి పేరును తానే ముందుకు తెచ్చానని మల్లారెడ్డి వెల్లడించారు. ఒక సమావేశంలో ఈ విషయాన్ని స్పష్టంగా చెప్పినట్లు తెలిపారు. “ఎవరు ఒప్పుకున్నా, ఒప్పుకోకపోయినా.. నేను, రేవంత్ రెడ్డి అన్నదమ్ములమే” అని అన్నారు.ఇక రాజకీయాలపైనే కాకుండా సినీ రంగంపై కూడా మల్లారెడ్డి ఆసక్తికర వ్యాఖ్యలు చేశారు. ఉస్తాద్ భగత్ సింగ్ సినిమాలో విలన్ పాత్ర కోసం దర్శకుడు హరీష్ శంకర్ తనను సంప్రదించారని, అయితే తాను ఆ ఆఫర్ను తిరస్కరించినట్లు చెప్పారు.భవిష్యత్తులో సినిమాల్లో నటించాలని ఆసక్తి ఉందని, ముఖ్యంగా ముఖ్యమంత్రి పాత్ర పోషించాలని ఉందని మల్లారెడ్డి పేర్కొన్నారు.
