హైదరాబాద్, ఏప్రిల్ 07, నేటి తెలుగు పత్రిక: తెలంగాణ ఇంటర్ ఫలితాల విడుదలపై మరో కీలక మార్పు కనిపిస్తోంది. ఈ వారం రిజల్ట్స్ వస్తాయని భావించిన విద్యార్థులు ఇంకొన్ని రోజులు వేచి చూడాల్సి ఉంది.తాజా సమాచారం ప్రకారం, ఏప్రిల్ 12 నుంచి 15 మధ్య ఫలితాలు విడుదలయ్యే అవకాశాలు ఉన్నాయి. స్పాట్ వాల్యూయేషన్ ప్రక్రియ చివరి దశలో ఉండగా, అధికారులు ఫలితాల ఖచ్చితత్వంపై ప్రత్యేక దృష్టి పెట్టారు.ఎలాంటి పొరపాట్లు జరగకుండా డబుల్ చెకింగ్ విధానం అమలు చేస్తూ, ముఖ్యంగా ఒక సబ్జెక్ట్లో ఫెయిల్ అయిన విద్యార్థుల పేపర్లను మళ్లీ పరిశీలిస్తున్నారు.ముఖ్యమంత్రి రేవంత్ రెడ్డి షెడ్యూల్ ఆధారంగా ఫలితాల విడుదల తేదీని త్వరలో అధికారికంగా ప్రకటించనున్నారు.
