ఏప్రిల్ 08, నేటి తెలుగు పత్రిక: ఆధార్ కార్డు వినియోగం రోజురోజుకు పెరుగుతున్న నేపథ్యంలో, అందులోని వ్యక్తిగత వివరాలు ఖచ్చితంగా ఉండాల్సిన అవసరం మరింత పెరిగింది. ఈ క్రమంలో ఆధార్ జారీ సంస్థ UIDAI వివరాల సవరణపై స్పష్టమైన పరిమితులను విధించింది.UIDAI నిబంధనల ప్రకారం, ఆధార్లో పేరు గరిష్ఠంగా రెండు సార్లు మాత్రమే మార్చుకోవచ్చు. జనన తేదీ మార్పు ఒక్కసారి మాత్రమే అనుమతించబడుతుంది. అలాగే లింగం సవరణకు కూడా ఒక్కసారి మాత్రమే అవకాశం ఉంది.చిరునామా విషయంలో మాత్రం వినియోగదారులకు సౌలభ్యం కల్పిస్తూ ఎలాంటి పరిమితులు విధించలేదు. అవసరమైతే ఎన్నిసార్లైనా అడ్రస్ అప్డేట్ చేసుకోవచ్చు.ఇక నిర్ణీత పరిమితులు దాటిన తర్వాత మార్పులు చేయాల్సి వస్తే, సంబంధిత ఆధార్ రీజినల్ కార్యాలయాన్ని సంప్రదించి, తగిన పత్రాలు సమర్పించాలి. అధికారుల పరిశీలన అనంతరం మాత్రమే సవరణలకు అనుమతి లభిస్తుంది.కాబట్టి ఆధార్ నమోదు లేదా సవరణ సమయంలో వివరాలను జాగ్రత్తగా ధృవీకరించుకోవడం అవసరం.
