ఏప్రిల్ 09, నేటి తెలుగు పత్రిక: తెలంగాణ రాజకీయాల్లో ఆసక్తికర పరిణామంగా బీఆర్ఎస్ వర్కింగ్ ప్రెసిడెంట్ కేటీఆర్, మాజీ ఎమ్మెల్యే జీవన్ రెడ్డితో భేటీ కానున్నారు. ఇందుకోసం కేటీఆర్ జగిత్యాలకు బయలుదేరారు.ఇటీవల కాంగ్రెస్ పార్టీకి రాజీనామా చేసిన జీవన్ రెడ్డి నిర్ణయం రాజకీయ వర్గాల్లో చర్చనీయాంశంగా మారింది. అంతర్గత విభేదాల నేపథ్యంలో ఆయన పార్టీని వీడినట్లు సమాచారం.ఈ నేపథ్యంలో కేటీఆర్ ఆయనను కలవడం ప్రాధాన్యం సంతరించుకుంది. ఈ సమావేశం రాజకీయంగా కీలక మార్పులకు దారి తీసే అవకాశముందనే చర్చ సాగుతోంది. కేటీఆర్ రాకతో జగిత్యాలలో బీఆర్ఎస్ శ్రేణులు భారీ ఏర్పాట్లు చేశారు. పార్టీ కార్యకర్తలు పెద్ద ఎత్తున చేరుకుని ఘన స్వాగతం పలకడానికి సిద్ధమయ్యారు.ఈ భేటీలో జీవన్ రెడ్డిని బీఆర్ఎస్ పార్టీలోకి ఆహ్వానించే అవకాశం ఉన్నట్లు ప్రచారం జరుగుతోంది. భేటీ అనంతరం ఆయన రాజకీయ భవిష్యత్పై స్పష్టత వచ్చే అవకాశముందని విశ్లేషకులు భావిస్తున్నారు.
జీవన్ రెడ్డితో కేటీఆర్ భేటీకి సిద్ధం.. రాజకీయాల్లో ఆసక్తికర పరిణామం
