ఏప్రిల్ 14, నేటి తెలుగు పత్రిక: ప్రముఖ గాయని మంగ్లీ నగర పోలీస్ కమిషనర్ సీపీ సజ్జనార్ను కలిసి తనపై జరుగుతున్న దుష్ప్రచారంపై ఫిర్యాదు చేశారు.సోషల్ మీడియా వేదికలపై అడ్వకేట్ సుబ్బారావు తనపై తప్పుడు ఆరోపణలు చేస్తూ అసత్య ప్రచారం చేస్తున్నారని ఆమె ఆరోపించారు. ఈ కారణంగా తన వ్యక్తిగత జీవితం, వృత్తిపరమైన ప్రతిష్టకు తీవ్ర నష్టం కలుగుతోందని తెలిపారు. సీపీ సజ్జనార్ను కలిసిన సందర్భంగా మంగ్లీ తనకు ఎదురవుతున్న సమస్యలను వివరించారు. ఉద్దేశపూర్వకంగా తనను లక్ష్యంగా చేసుకుని తప్పుడు ప్రచారం చేస్తున్నారని ఆమె ఆవేదన వ్యక్తం చేశారు.తనపై జరుగుతున్న దుష్ప్రచారాన్ని ఆపాలని, బాధ్యులపై తగిన చర్యలు తీసుకుని న్యాయం చేయాలని ఆమె పోలీసులను కోరారు.ఫిర్యాదును స్వీకరించిన పోలీసులు ఈ విషయంపై విచారణ జరపాలని సంబంధిత అధికారులను ఆదేశించినట్లు సమాచారం. కేసు ప్రాధాన్యతను బట్టి చట్టపరమైన చర్యలు తీసుకుంటామని పోలీసులు తెలిపారు.
దుష్ప్రచారంపై పోలీసులకు ఫిర్యాదు చేసిన గాయని మంగ్లీ
