ఏప్రిల్ 16, నేటి తెలుగు పత్రిక: హైదరాబాద్ నగరంలో షాకింగ్ ఘటన బయటపడింది. కుటుంబ కలహాలు ఎంతటి ప్రమాదాలకు దారి తీస్తాయో చూపించేలా మేడిపల్లి పోలీస్ స్టేషన్ పరిధిలో చిన్నారిపై అమానుష ఘటన చోటుచేసుకుంది. జ్యూస్ అని నమ్మించి యాసిడ్ తాగించడం స్థానికంగా తీవ్ర ఆందోళనకు కారణమైంది.బోడుప్పల్కు చెందిన నాగరాజు, సంధ్య దంపతుల కుమారుడు కార్తీక్ వాసు (4) ఈ దారుణానికి బలయ్యాడు. ఈ నెల 9న నాగరాజు సోదరుడి భార్య మంజుల, బాలుడిని మోసం చేసి జ్యూస్ పేరుతో యాసిడ్ తాగించినట్లు ఆరోపణలు వెల్లువెత్తుతున్నాయి.కుటుంబంలో ప్రేమాభిమానాల విషయంలో ఉన్న అసూయ కారణంగానే ఈ ఘటన జరిగిందని తెలుస్తోంది. ముఖ్యంగా బాలుడిపై ఎక్కువ ఆదరణ ఉండటాన్ని భరించలేక ఈ తీవ్ర నిర్ణయం తీసుకున్నట్లు సమాచారం. గతంలో కూడా బాలుడిపై హానిచేయడానికి ప్రయత్నించినట్లు బాలుడి తల్లి పోలీసులకు ఫిర్యాదు చేసింది.ఘటనపై కేసు నమోదు చేసిన పోలీసులు దర్యాప్తు కొనసాగిస్తున్నారు. చిన్నారి పరిస్థితి ఆందోళనకరంగా ఉండటంతో వైద్యులు చికిత్స అందిస్తున్నారు. ఈ సంఘటనతో స్థానికులు ఆగ్రహం వ్యక్తం చేస్తూ, నిందితురాలిపై కఠిన చర్యలు తీసుకోవాలని డిమాండ్ చేస్తున్నారు.
జ్యూస్ ముసుగులో విషప్రయోగం.. చిన్నారిపై చిన్నమ్మ దారుణం
