ఆళ్ల నాని తెలుగుదేశంలో చేరేందుకు లైన్ క్లియర్
ఏలూరు మాజీ ఎమ్మెల్యే ఆళ్ల నాని, తెలుగుదేశం పార్టీ (టీడీపీ)లో చేరేందుకు లైన్ క్లియర్ అయింది. గత కొన్ని రోజులుగా ఆళ్ల నాని టీడీపీలో చేరబోతున్నారని వార్తలు వస్తున్నాయి. దీంతో టీడీపీ స్థానిక నేతలు, కార్యకర్తలు తీవ్ర అసంతృప్తి వ్యక్తం చేశారు.
వైసీపీ అధికారంలో ఉన్న సమయంలో తమను కుదుటపెట్టిన మాజీ మంత్రి ఆళ్ల నాని టీడీపీలో చేరడం సహ్యపడబోదని, ఎమ్మెల్యే బడేటి చంటి వర్గీయులు తీవ్రంగా వ్యతిరేకించారు. ఈ పరిస్థితుల్లో, నాని సీఎం చంద్రబాబును కలిసేందుకు ప్రయత్నించినట్లు సమాచారం.
మంగళవారం, ఎమ్మెల్యే బడేటి చంటి విలేకర్ల సమావేశం ఏర్పాటు చేసి తన స్పందన తెలియజేయడంతో ఆళ్ల నానికి టీడీపీలో చేరేందుకు లైన్ క్లియర్ అయింది. టీడీపీ జిల్లా అధ్యక్షులు గన్ని వీరాంజనేయులు, ఏలూరు ఎంపీ మహేష్ కుమార్ బాబు సమక్షంలో ఆళ్ల నాని టీడీపీ తీర్ధం పుచ్చుకోవడం ఖాయమైంది
