ఏప్రిల్ 18, నేటి తెలుగు పత్రిక: మహిళా రిజర్వేషన్ బిల్లుపై కాంగ్రెస్ పార్టీకి వ్యతిరేకంగా నిరసనలు చేపట్టాలని నిర్ణయించిన నేపథ్యంలో తెలంగాణ బీజేపీ రాష్ట్ర అధ్యక్షుడు ఎన్. రామచందర్రావును పోలీసులు గృహనిర్బంధం చేశారు. సీఎం రేవంత్ రెడ్డి నివాసం ముట్టడికి పిలుపునిచ్చిన బీజేపీ కార్యక్రమాన్ని అడ్డుకునేందుకు ఈ చర్యలు తీసుకున్నారు.తార్నాకలోని ఆయన ఇంటి వద్ద పోలీసులు బలగాలను మోహరించి బయటకు వెళ్లకుండా నిరోధించారు. దీనిపై రామచందర్రావు ఆగ్రహం వ్యక్తం చేస్తూ, ప్రజాస్వామ్య హక్కులను అణగదొక్కుతున్నారని ఆరోపించారు. మహిళా బిల్లుపై కాంగ్రెస్ వైఖరిని ఖండిస్తూ తమ పోరాటం కొనసాగుతుందని స్పష్టం చేశారు.ఈ ఘటనతో రాష్ట్ర రాజకీయాల్లో ఉద్రిక్తతలు మరింత పెరిగాయి. బీజేపీ దీన్ని రాజకీయ నిర్బంధంగా అభివర్ణిస్తుండగా, కాంగ్రెస్ మాత్రం చట్టసంరక్షణ కోసం తీసుకున్న చర్యలేనని చెబుతోంది.
