ఏప్రిల్ 30, (నేటి తెలుగు పత్రిక): ఐపీఎల్లో సన్రైజర్స్ హైదరాబాద్ జట్టు మరోసారి తమ దూకుడు చూపించింది. ముంబై ఇండియన్స్ నిర్దేశించిన 244 పరుగుల భారీ లక్ష్యాన్ని కేవలం 18.4 ఓవర్లలోనే 4 వికెట్లు కోల్పోయి ఛేదించి అద్భుత విజయం సాధించింది. మ్యాచ్ వాంఖడే స్టేడియం లో జరిగింది. భారీ లక్ష్యంతో బరిలోకి దిగిన సన్రైజర్స్కు ఓపెనర్లు ట్రావిస్ హెడ్, అభిషేక్ శర్మ అద్భుత ఆరంభం అందించారు. తొలి బంతి నుంచే దాడి ప్రారంభించిన ఈ జోడీ 8.4 ఓవర్లలోనే 129 పరుగుల భాగస్వామ్యాన్ని నమోదు చేసి మ్యాచ్ను పూర్తిగా తమ వైపుకు తిప్పింది. ట్రావిస్ హెడ్ కేవలం 30 బంతుల్లో 76 పరుగులు (5 ఫోర్లు, 8 సిక్సర్లు) చేసి మ్యాచ్ను మలిచాడు. అభిషేక్ శర్మ 24 బంతుల్లో 45 పరుగులు చేసి కీలక పాత్ర పోషించాడు.మధ్యలో వికెట్లు పడినా హెన్రిచ్ క్లాసెన్ ఇన్నింగ్స్ను సమర్థంగా నడిపించగా, చివర్లో సలీల్ అరోరా వేగంగా ఆడుతూ మ్యాచ్ను ముగించాడు. దీంతో సన్రైజర్స్ ఇంకా 8 బంతులు మిగిలి ఉండగానే 6 వికెట్ల తేడాతో గెలుపొందింది.ఇక ముందుగా బ్యాటింగ్ చేసిన ముంబై తరఫున రియాన్ రికెల్టన్ శతకం నమోదు చేసి జట్టుకు బలమైన స్కోరు అందించాడు. అయితే బౌలింగ్ విభాగం విఫలం కావడంతో ఆ ఇన్నింగ్స్ వృథా అయింది.ఈ విజయంతో సన్రైజర్స్ భారీ లక్ష్యాలను సైతం ఛేదించే తమ సామర్థ్యాన్ని మరోసారి నిరూపించుకుంది. మరోవైపు ముంబై ఇండియన్స్ బౌలింగ్ లోపాలు బయటపడ్డాయి. పరుగుల వర్షంతో సాగిన ఈ మ్యాచ్ అభిమానులకు అసలైన క్రికెట్ పండుగగా నిలిచింది.
ముంబైపై సన్రైజర్స్ ఘన విజయం.. రికార్డు ఛేజ్
