తిరుపతి, మే 03, (నేటి తెలుగు పత్రిక): ప్రముఖ నటుడు ప్రకాశ్ రాజ్ పై జనసేన నేత కిరణ్ రాయల్ తీవ్ర వ్యాఖ్యలు చేశారు. ఆయనను “పొలిటికల్ జోకర్” అంటూ విమర్శిస్తూ రాజకీయంగా తీవ్ర స్థాయిలో దాడి చేశారు.తిరుపతిలో మీడియాతో మాట్లాడిన కిరణ్ రాయల్, ప్రకాశ్రాజ్ వ్యక్తిత్వంపై కూడా విమర్శలు గుప్పించారు. ఆయన మంచి నటుడే కానీ మంచి వ్యక్తి కాదని వ్యాఖ్యానించారు. ఫిల్మ్ ఛాంబర్ ఎన్నికల సందర్భంలో మెగా ఫ్యామిలీకి దగ్గరయ్యారని సెటైర్లు వేశారు.వైసీపీ హయాంలో జరిగిన అవినీతి, అక్రమాలపై ప్రకాశ్రాజ్ ఎప్పుడైనా మాట్లాడారా అని ప్రశ్నించారు. అలాంటి అంశాలపై స్పందిస్తేనే ఆయన మాటలకు విలువ ఉంటుందని పేర్కొన్నారు.టీటీడీ నెయ్యి కల్తీ అంశంపై కూడా కిరణ్ రాయల్ స్పందిస్తూ, ఈ ఘటన ప్రపంచవ్యాప్తంగా చర్చనీయాంశమైందని అన్నారు. కల్తీకి పాల్పడిన వారిపై కఠిన చర్యలు తీసుకోవాలని డిమాండ్ చేశారు. సంబంధిత అధికారులను అరెస్ట్ చేయాలని ప్రభుత్వాన్ని కోరారు. భక్తుల మనోభావాలను దెబ్బతీసే చర్యలపై కఠిన చర్యలు తీసుకుంటేనే ఇలాంటి ఘటనలు పునరావృతం కావని ఆయన పేర్కొన్నారు.
ప్రకాశ్రాజ్పై కిరణ్ రాయల్ తీవ్ర వ్యాఖ్యలు.. రాజకీయంగా దాడి
