మే 05, (నేటి తెలుగు పత్రిక): పశ్చిమ బెంగాల్ అసెంబ్లీ ఎన్నికల్లో తొలిసారి పోటీ చేసిన ఆల్ ఇండియా మజ్లిస్-ఇత్తెహాదుల్ ముస్లిమీన్ (ఎంఐఎం)కు ఆశించిన ఫలితాలు రాలేదు. పోటీ చేసిన 12 స్థానాల్లోనూ ఆ పార్టీ అభ్యర్థులు డిపాజిట్లు కోల్పోవడం గమనార్హం.293 అసెంబ్లీ స్థానాలున్న బెంగాల్లో ఎంఐఎం, అమ్ జనతా యునైటెడ్ పార్టీతో కలిసి బరిలోకి దిగింది. అయితే ఎన్నికల ముందు జరిగిన పరిణామాలు ఆ పార్టీకి ప్రతికూలంగా మారినట్లు రాజకీయ విశ్లేషకులు భావిస్తున్నారు.ప్రత్యేకంగా ముర్షీదాబాద్ ప్రాంతంలో ముస్లిం ఓట్ల విభజనపై వచ్చిన వివాదాలు, స్టింగ్ ఆపరేషన్లో వెలుగులోకి వచ్చిన వ్యాఖ్యలు రాజకీయంగా చర్చనీయాంశమయ్యాయి. ఈ నేపథ్యంలో మిత్రపక్షంతో ఎంఐఎం దూరం పెట్టుకున్నప్పటికీ, ఓటర్లలో ప్రతికూల ప్రభావం కొనసాగినట్లు తెలుస్తోంది.దీంతో బెంగాల్ ఓటర్లు ఎంఐఎంకు గట్టి షాక్ ఇచ్చినట్లుగా భావిస్తున్నారు. ఈ ఫలితాలు ఆ పార్టీ విస్తరణ వ్యూహంపై ప్రభావం చూపే అవకాశం ఉందని రాజకీయ వర్గాలు అభిప్రాయపడుతున్నాయి.
బెంగాల్లో మజ్లిస్కు గట్టి ఎదురుదెబ్బ
