మే 08, (నేటి తెలుగు పత్రిక): తమిళనాడు రాజకీయాల్లో కొత్త చర్చ మొదలైంది. రాష్ట్రంలో DMK లేదా AIADMK ఏ పార్టీ ప్రభుత్వ ఏర్పాటు ప్రయత్నం చేసినా తమ పార్టీ ఎమ్మెల్యేలంతా రాజీనామా చేయాలని TVK (Tamilaga Vettri Kazhagam) భావిస్తున్నట్లు సమాచారం.పార్టీ వర్గాల ప్రకారం మొత్తం 107 మంది ఎమ్మెల్యేలు మూకుమ్మడిగా రాజీనామా చేసే అవకాశం ఉందని చెబుతున్నారు. ఈ అంశాన్ని NDTV కూడా వెల్లడించినట్లు సమాచారం. DMK, AIADMK వేర్వేరుగా సమావేశాలు నిర్వహించిన నేపథ్యంలో ఈ నిర్ణయం చర్చకు వచ్చినట్లు తెలుస్తోంది.ప్రభుత్వ ఏర్పాటుకు రెండు ప్రధాన పార్టీలు కుమ్మక్కయ్యాయని TVK అనుమానం వ్యక్తం చేస్తోందని పార్టీ వర్గాలు చెబుతున్నాయి. ఈ పరిణామాలతో తమిళనాడు రాజకీయాల్లో ఉద్రిక్తత పెరిగే అవకాశముంది.
