మే 10, (నేటి తెలుగు పత్రిక): తెలంగాణలో భూముల మార్కెట్ ధరలు, ప్రభుత్వ రిజిస్ట్రేషన్ విలువల మధ్య ఉన్న వ్యత్యాసాలను సరిచేసేందుకు రాష్ట్ర ప్రభుత్వం కీలక నిర్ణయం తీసుకుంది. ఈ మేరకు మంత్రి పొంగులేటి శ్రీనివాస్రెడ్డి భూముల ధరల సవరణపై ప్రభుత్వం సమగ్ర సమీక్ష నిర్వహించినట్లు వెల్లడించారు.రిజిస్ట్రేషన్లకు భారీగా డిమాండ్ పెరుగుతున్న నేపథ్యంలో ప్రజలకు ఇబ్బందులు కలగకుండా సబ్ రిజిస్ట్రార్ కార్యాలయాల్లో పని వేళలను పొడిగిస్తున్నట్లు తెలిపారు. అధిక రద్దీ ఉన్న 15 కార్యాలయాల్లో ఉదయం 9:30 గంటల నుంచి సాయంత్రం 6:30 గంటల వరకు సేవలు అందించనున్నట్లు చెప్పారు.చంపాపేట, సరూర్నగర్, వనస్థలిపురం, గండిపేట్, మహేశ్వరం, షాద్నగర్, ఎల్బీనగర్, శేరిలింగంపల్లి, సంగారెడ్డి, ఘట్కేసర్, పటాన్చెరు తదితర ప్రాంతాల్లో ఈ ప్రత్యేక ఏర్పాట్లు అమల్లో ఉంటాయని వెల్లడించారు. అవసరమైతే పని వేళలను మరింత పెంచేందుకు కూడా ప్రభుత్వం సిద్ధంగా ఉందన్నారు.రిజిస్ట్రేషన్ ప్రక్రియ వేగవంతం చేసేందుకు అదనపు సిబ్బంది నియామకం, టోకెన్ వ్యవస్థ మెరుగుదల, సాంకేతిక సదుపాయాల విస్తరణ వంటి చర్యలు తీసుకుంటున్నట్లు మంత్రి తెలిపారు.హైదరాబాద్ పరిసర ప్రాంతాల్లో రియల్ ఎస్టేట్ కార్యకలాపాలు వేగంగా పెరుగుతున్న నేపథ్యంలో భూముల ధరలను మార్కెట్ పరిస్థితులకు అనుగుణంగా సవరించాలని ప్రభుత్వం నిర్ణయించింది. దీని వల్ల లావాదేవీల్లో పారదర్శకత పెరిగి, భవిష్యత్తులో వివాదాలు తగ్గే అవకాశం ఉందని అధికారులు భావిస్తున్నారు.అదే సమయంలో ధరల పెంపు వల్ల మధ్యతరగతి ప్రజలపై అదనపు భారం పడే అవకాశముందనే ఆందోళనలు కూడా వ్యక్తమవుతున్నాయి.
రిజిస్ట్రేషన్ కార్యాలయాల్లో పని వేళల పెంపు.. భూముల ధరల సవరణపై కీలక నిర్ణయం: మంత్రి పొంగులేటి శ్రీనివాస్రెడ్డి
