మే 18, (నేటి తెలుగు పత్రిక): నటి శ్రీలీల, క్రికెటర్ తిలక్ వర్మ డేటింగ్లో ఉన్నారంటూ సోషల్ మీడియాలో వైరల్ అవుతున్న వార్తలపై ఆమె తల్లి స్వర్ణలత స్పందించారు. ఈ ప్రచారంలో ఎలాంటి నిజం లేదని స్పష్టం చేశారు.ఇలాంటి రూమర్లు ఎలా వస్తాయో అర్థం కావడం లేదని పేర్కొన్న ఆమె.. ప్రస్తుతం శ్రీలీల పూర్తిగా సినిమాలు, చదువులపైనే దృష్టి పెట్టిందన్నారు. ఆమె ప్రస్తుతం NEET-PG పరీక్షకు కూడా సిద్ధమవుతోందని తెలిపారు.శ్రీలీల పెళ్లి గురించి ఇప్పుడే ఆలోచించే పరిస్థితి లేదని, అందుకు ఇంకా ఐదారు సంవత్సరాల సమయం ఉందని స్వర్ణలత వెల్లడించారు. దీంతో సోషల్ మీడియాలో వైరల్ అవుతున్న డేటింగ్ వార్తలకు ఆమె కుటుంబం చెక్ పెట్టినట్లైంది.
