మే 21, (నేటి తెలుగు పత్రిక): తన 158వ సినిమా ప్రారంభోత్సవానికి హాజరైన ఉప ముఖ్యమంత్రి పవన్ కళ్యాణ్కు మెగాస్టార్ చిరంజీవి ప్రత్యేకంగా ధన్యవాదాలు తెలిపారు. ఈ సందర్భంగా సోషల్ మీడియా వేదికగా భావోద్వేగ పోస్ట్ చేశారు.“ఈరోజు కళ్యాణ్ బాబుకి, నాకు మధ్యలో క్లాప్ కనిపిస్తుంటే.. 30 ఏళ్ల క్రితం ఇదే సీన్ రివర్స్లో జరిగిన సందర్భం గుర్తొస్తోంది. అదే ‘అక్కడ అమ్మాయి ఇక్కడ అబ్బాయి’ సినిమా ఓపెనింగ్” అంటూ చిరంజీవి గుర్తుచేసుకున్నారు.డిప్యూటీ సీఎం హోదాలో బిజీ షెడ్యూల్ మధ్య సమయం కేటాయించి కార్యక్రమానికి రావడం యూనిట్ సభ్యులందరికీ ఆనందాన్ని కలిగించిందని పేర్కొన్నారు.“థాంక్యూ కళ్యాణ్.. లవ్ యూ” అంటూ చిరంజీవి చేసిన పోస్ట్ ప్రస్తుతం సోషల్ మీడియాలో వైరల్ అవుతోంది. మెగా అభిమానులు ఇద్దరు అన్నదమ్ముల అనుబంధాన్ని ప్రశంసిస్తూ కామెంట్లు చేస్తున్నారు.
