మే 23, (నేటి తెలుగు పత్రిక): ఏపీ ప్రభుత్వం భోగాపురం అంతర్జాతీయ విమానాశ్రయ ప్రారంభానికి సన్నాహాలు వేగవంతం చేసింది. జులై తొలి వారంలో ఎయిర్పోర్ట్ను ప్రారంభించాలని భావిస్తున్న ప్రభుత్వం, జులై 5, 8 లేదా 10 తేదీల్లో ఏదో ఒక రోజు ప్రారంభోత్సవానికి అనుకూలమైన తేదీ ఖరారు చేయాలని ప్రధానమంత్రి కార్యాలయాన్ని కోరినట్లు సమాచారం. ఇదిలా ఉండగా, స్కూట్ ఎయిర్లైన్స్ జులై 8 నుంచి తమ సర్వీసులను విశాఖపట్నం బదులు భోగాపురం విమానాశ్రయం నుంచి నిర్వహించనున్నట్లు ట్రావెల్ ఏజెంట్లకు సమాచారం ఇచ్చింది. దీంతో జులై 5న భోగాపురం ఎయిర్పోర్ట్ ప్రారంభం అయ్యే అవకాశాలు ఉన్నట్లు తెలుస్తోంది.
జులైలో భోగాపురం ఎయిర్పోర్ట్ ప్రారంభం.. ఏర్పాట్లు ముమ్మరం
