మే 25, (నేటి తెలుగు పత్రిక): తెలంగాణ ప్రభుత్వం ప్రతిష్ఠాత్మకంగా తీసుకొస్తున్న ఫ్యూచర్ సిటీ ప్రాజెక్ట్ పేరుపై అధికార వర్గాల్లో గందరగోళం నెలకొంది. భవిష్యత్తులో ఎలాంటి న్యాయపరమైన ఇబ్బందులు తలెత్తకుండా ఉండేందుకు TGIIC రికార్డుల్లో ఈ ప్రాజెక్ట్ను ఇప్పటికీ ‘హైదరాబాద్ గ్రీన్ ఫార్మా సిటీ’గానే పేర్కొంటూ ఇంజినీరింగ్ కన్సల్టెంట్ కోసం ప్రతిపాదనలు ఆహ్వానించింది. అయితే మరోవైపు FCDA మాత్రం దీనిని ‘భారత్ ఫ్యూచర్ సిటీ’ పేరుతో ప్రచారం చేస్తోంది. దీంతో అసలు ప్రాజెక్ట్ పేరు ఏది అన్నదానిపై చర్చ జరుగుతోంది.ఇదిలా ఉండగా, అంతర్జాతీయ ప్రమాణాలతో అభివృద్ధి చేయనున్న ఈ భారీ ప్రాజెక్ట్తో ఆ ప్రాంత రూపురేఖలు పూర్తిగా మారనున్నాయని అధికారులు చెబుతున్నారు. ఆధునిక మౌలిక వసతులు, పారిశ్రామిక అవకాశాలు, గ్రీన్ టెక్నాలజీ ఆధారిత అభివృద్ధితో ఈ ప్రాజెక్ట్ను రూపొందించనున్నట్లు సమాచారం.
