మే 25, (నేటి తెలుగు పత్రిక): జగన్ను జైలుకు పంపించాలని తాను కోరినట్లు చేస్తున్న వ్యాఖ్యల్లో ఎలాంటి లాజిక్ లేదని జనసేన అధినేత పవన్ కళ్యాణ్ అన్నారు. ప్రొఫెసర్ నాగేశ్వర్ వ్యాఖ్యల వివాదంపై పేరు ప్రస్తావించకుండా ఆయన ఘాటుగా స్పందించారు.‘ఆ విశ్లేషకుడి ప్రకారం జగన్ జైలుకు వెళ్తే నాకు లాభం చేకూరుతుందట. అది పూర్తిగా పిచ్చి లాజిక్. అలా అయితే చంద్రబాబు జైలుకు వెళ్లినప్పుడే నేను ప్రయత్నించి ఉంటే సీఎం అయ్యేవాడిని కదా?’ అంటూ పవన్ ప్రశ్నించారు.తాను పదవుల కోసం రాజకీయాల్లోకి రాలేదని, ప్రజల కోసం తెగించి రాజకీయాల్లోకి వచ్చానని స్పష్టం చేశారు. రాజకీయాల్లో విమర్శలు సహజమే కానీ అసత్య ప్రచారాలు, వ్యక్తిగత ఆరోపణలు చేయడం సరికాదని పేర్కొన్నారు.
