మే 28, (నేటి తెలుగు పత్రిక): అంతర్జాతీయ షూటింగ్ క్రీడల్లో అసాధారణ ప్రతిభ కనబరిచి ప్రపంచ రికార్డు సృష్టించిన హైదరాబాద్కు చెందిన షూటర్ ఇషా సింగ్కు ముఖ్యమంత్రి రేవంత్ రెడ్డి అభినందనలు తెలిపారు. మ్యూనిచ్లో జరుగుతున్న ప్రపంచ షూటింగ్ కప్ పోటీల మహిళల 25 మీటర్ల పిస్టల్ ఫైనల్లో ఇషా సింగ్ 43 హిట్స్ సాధించి అద్భుత ప్రదర్శనతో ప్రపంచ రికార్డును బద్దలు కొట్టారు. ఆమె విజయం భారత షూటింగ్ చరిత్రలో చిరస్మరణీయ ఘట్టంగా నిలుస్తుందని ముఖ్యమంత్రి పేర్కొన్నారు. అంకితభావం, క్రమశిక్షణ, పట్టుదలతో ఇషా సింగ్ లక్షలాది యువతకు స్ఫూర్తిగా నిలుస్తోందని ప్రశంసించారు. ఆమె ప్రదర్శన భారత క్రీడల భవిష్యత్తుకు నిదర్శనమని అన్నారు.భవిష్యత్తులో మరిన్ని విజయాలు సాధించి దేశానికి మరింత కీర్తి తీసుకురావాలని ముఖ్యమంత్రి ఆకాంక్షించారు.
