మే 29, (నేటి తెలుగు పత్రిక): మానవ అక్రమ రవాణా నిరోధానికి సంబంధించి సుప్రీంకోర్టు కీలక మార్గదర్శకాలు జారీ చేసింది. బలవంతపు అక్రమ రవాణా మరియు స్వచ్ఛంద లైంగిక వృత్తి మధ్య స్పష్టమైన తేడాను గుర్తించాలని అధికారులను ఆదేశించింది. వయోజనులు తమ ఇష్టపూర్వకంగా లైంగిక వృత్తిలో కొనసాగడం నేరం కాదని సుప్రీంకోర్టు స్పష్టం చేసింది. అలాంటి వ్యక్తులను పోలీసులు వేధించడం, అకారణంగా కేసులు నమోదు చేయడం చేయరాదని పేర్కొంది.ప్రతి వ్యక్తికి గౌరవప్రదంగా జీవించే హక్కు రాజ్యాంగం కల్పించిందని న్యాయస్థానం గుర్తుచేసింది. రక్షణ చర్యల సమయంలో బాధితుల ఫోటోలు, వీడియోలను ప్రచారం చేయడం చట్టవిరుద్ధమని హెచ్చరించింది. బాధితుల గోప్యత, గౌరవాన్ని కాపాడాల్సిన బాధ్యత అధికారులపై ఉందని స్పష్టం చేసింది.
