ఫార్ములా ఈ రేసు కేసు: కేటీఆర్కు సుప్రీంకోర్టులో ఎదురుదెబ్బ
ఫార్ములా ఈ రేసు కేసులో తెలంగాణ హైకోర్టు తీర్పును సవాల్ చేస్తూ బీఆర్ఎస్ వర్కింగ్ ప్రెసిడెంట్ కేటీఆర్ సుప్రీంకోర్టును ఆశ్రయించారు. అయితే ఈ పిటిషన్ను తక్షణమే విచారించాలని కేటీఆర్ తరపున న్యాయవాది చేసిన వినతిని సుప్రీంకోర్టు ప్రధాన న్యాయమూర్తి తిరస్కరించారు.
సుప్రీంకోర్టు ప్రకటన మేరకు ఈ పిటిషన్ను జనవరి 15న విచారిస్తామని స్పష్టం చేసింది. దీంతో కేటీఆర్కు తాత్కాలికంగా చుక్కెదురైనట్లు అయ్యింది.
ఈ కేసుపై ప్రస్తుతం దేశవ్యాప్తంగా రాజకీయ వర్గాల్లో ఆసక్తి నెలకొంది. ఫార్ములా ఈ రేసు ఒప్పందాల నేపథ్యంలో నమోదైన ఈ కేసులో కేటీఆర్ను ప్రశ్నించేందుకు ఏసీబీ సిద్ధమవుతుండగా, సుప్రీంకోర్టు తీర్పు కీలకంగా మారనుంది.
