ఢిల్లీలో ప్రచారానికి సీఎం రేవంత్ రెడ్డి – ఎన్డీయే తరఫున చంద్రబాబు
హైదరాబాద్: తెలంగాణ ముఖ్యమంత్రి రేవంత్ రెడ్డి రెండు రోజుల పాటు ఢిల్లీలో పర్యటించనున్నారు. శనివారం రాత్రి లేదా రేపు ఉదయం ఢిల్లీ వెళ్లే అవకాశముందని పార్టీ వర్గాలు వెల్లడించాయి.
📌 ఫిబ్రవరి 5న ఢిల్లీ అసెంబ్లీ ఎన్నికలు జరగనున్న నేపథ్యంలో, ఫిబ్రవరి 3తో ప్రచారం ముగియనుంది. ఈ క్రమంలో కాంగ్రెస్ తరఫున రేవంత్ రెడ్డి ప్రచారంలో పాల్గొననున్నారు.
🔹 ఢిల్లీ అసెంబ్లీ ఎన్నికల్లో మొత్తం 70 స్థానాలకు పోటీ జరుగుతోంది.
🔹 699 మంది అభ్యర్థులు బరిలో నిలిచారు.
🔹 ఆమ్ ఆద్మీ పార్టీ, బీజేపీ, కాంగ్రెస్ నేతలు ప్రచారాన్ని ముమ్మరం చేశారు.
తెలంగాణ మాదిరిగా ఢిల్లీలో కూడా కాంగ్రెస్ ‘గ్యారంటీలతో’ కూడిన హామీలు ఇచ్చింది. ఈ నేపథ్యంలో తెలంగాణలో అమలు చేస్తున్న పథకాల గురించి ఢిల్లీ ప్రజలకు వివరించేందుకు సీఎం రేవంత్ రెడ్డి సిద్ధమయ్యారు.
ఏపీలోనూ ఎన్డీయే ప్రచారం వేడెక్కించనున్న చంద్రబాబు
ఈ నేపథ్యంలో ఏపీ సీఎం చంద్రబాబు నాయుడు కూడా ఎన్డీయే తరఫున ఢిల్లీలో ప్రచారానికి సిద్ధమైనట్లు సమాచారం.