|| YSRCP chief Jagan wished KCR on his birthday ||
బీఆర్ఎస్ అధినేత, తెలంగాణ మాజీ ముఖ్యమంత్రి కల్వకుంట్ల చంద్రశేఖర్ రావు (కేసీఆర్) జన్మదినాన్ని పురస్కరించుకుని వైఎస్సార్‌సీపీ అధినేత, ఆంధ్రప్రదేశ్ మాజీ సీఎం వైఎస్ జగన్ శుభాకాంక్షలు తెలిపారు.
సోమవారం (ఫిబ్రవరి 17) ఎక్స్ (ట్విట్టర్) వేదికగా వైఎస్ జగన్ ఒక పోస్ట్ చేస్తూ,
“పుట్టినరోజు సందర్భంగా తెలంగాణ మాజీ సీఎం కె. చంద్రశేఖర రావు గారికి హృదయపూర్వక శుభాకాంక్షలు. దేవుడు ఆయన్ను ఆరోగ్యంగా, ఆనందంగా ఉండేలా వరించాలని కోరుకుంటున్నా” అని ఆకాంక్షించారు.
తెలంగాణవ్యాప్తంగా వేడుకలు
కేసీఆర్ జన్మదినాన్ని పురస్కరించుకుని బీఆర్ఎస్ శ్రేణులు రాష్ట్రవ్యాప్తంగా వేడుకలు ఘనంగా నిర్వహిస్తున్నాయి. సాంస్కృతిక కార్యక్రమాలు, వృక్షార్చన, సేవా కార్యక్రమాలు జరుపుతూ పార్టీ నేతలు, కార్యకర్తలు ఉత్సాహంగా పాల్గొంటున్నారు.