నేటి తెలుగు పత్రిక: పవర్ స్టార్ పవన్ కళ్యాణ్ నటిస్తున్న మోస్ట్ అవేటెడ్ సినిమా ఉస్తాద్ భగత్ సింగ్ నుంచి అభిమానులు ఎంతగానో ఎదురుచూస్తున్న ‘ఆరా ఆఫ్ ఉస్తాద్’ సాంగ్ ప్రోమో విడుదలైంది. విడుదలైన క్షణం నుంచే ఈ ప్రోమో సోషల్ మీడియాలో వైరల్గా మారింది.దర్శకుడు హరీష్ శంకర్ ఈ పాటపై ముందుగానే భారీ హైప్ క్రియేట్ చేశారు. ప్రోమో చూస్తే పాటను ఎంత గ్రాండ్గా ప్లాన్ చేశారో స్పష్టంగా కనిపిస్తోంది. మాస్ ఎలిమెంట్స్, పవన్ కళ్యాణ్ స్టైల్ మేనరిజమ్స్ అభిమానులను మరింత ఎగ్జైట్ చేస్తున్నాయి.
సంగీత దర్శకుడు దేవిశ్రీప్రసాద్ అందించిన ట్యూన్, లిరిసిస్ట్ చంద్రబోస్ రాసిన పదాలు పాటపై అంచనాలను పెంచాయి. పాట విడుదలకు ముందు హరీష్ శంకర్ స్వయంగా దేవిశ్రీప్రసాద్, చంద్రబోస్లతో ప్రత్యేక సమావేశాలు నిర్వహించడం గమనార్హం. ప్రోమోకు వచ్చిన రెస్పాన్స్ చూస్తుంటే పూర్తి పాట విడుదల తర్వాత మరింత సెన్సేషన్ సృష్టించే అవకాశాలు కనిపిస్తున్నాయి. అభిమానులు ఇప్పుడు పూర్తి సాంగ్ కోసం ఆసక్తిగా ఎదురు చూస్తున్నారు.
