నేటి తెలుగు పత్రిక: హైదరాబాద్ లో భారీ అగ్నిప్రమాదం చోటు చేసుకుంది. జూబ్లీహిల్స్ రోడ్ నెం.36లో ఉన్న షాపింగ్ మాల్లోని మంగళగౌరి షోరూమ్లో మంటలు ఒక్కసారిగా చెలరేగాయి. మంటలు ఎగిసిపడటంతో ఆ ప్రాంతమంతా దట్టమైన పొగలు కమ్ముకున్నాయి.
సమాచారం అందుకున్న వెంటనే Telangana State Disaster Response and Fire Services Department సిబ్బంది ఘటన స్థలానికి చేరుకుని మంటలను అదుపులోకి తీసుకొచ్చే ప్రయత్నం చేశారు. ముందుగా షోరూమ్ బయట భాగంలో మంటలు మొదలై తర్వాత పక్కనున్న షాపులకు వ్యాపించినట్లు తెలుస్తోంది.ప్రమాదం ఎలా జరిగిందన్న దానిపై ఇంకా స్పష్టత రాలేదు. అయితే వెల్డింగ్ పనులు జరుగుతుండగా మంటలు అంటుకున్నాయని ప్రాథమిక సమాచారం. మంటలు ఇతర దుకాణాలకు వ్యాపించకుండా అగ్నిమాపక సిబ్బంది అప్రమత్తంగా చర్యలు చేపట్టారు.
ఈ ఘటనలో ఎలాంటి ప్రాణ నష్టం జరగలేదని మాల్ యాజమాన్యం తెలిపింది. ఘటనపై పూర్తి స్థాయి దర్యాప్తు కొనసాగుతోంది.