మార్చి 19, నేటి తెలుగు పత్రిక: ఉగాది కానుకగా విడుదలైన ఉస్తాద్ భగత్ సింగ్ సినిమాకు ప్రేక్షకుల నుంచి మిశ్రమ స్పందన వస్తోంది. భారీ అంచనాల మధ్య విడుదలైన ఈ చిత్రంలో పవన్ కళ్యాణ్ తన స్టైల్, ఎనర్జీతో ఫ్యాన్స్ను ఆకట్టుకున్నప్పటికీ, కథనం విషయంలో విమర్శలు వినిపిస్తున్నాయి. సోషల్ మీడియా, ప్రారంభ రివ్యూల ప్రకారం సినిమా ప్రధానంగా పవన్ కళ్యాణ్ వన్మ్యాన్ షోగా నిలిచింది. ఆయన స్క్రీన్ ప్రెజెన్స్, డైలాగ్ డెలివరీ, యాక్షన్ సీన్స్ హైలైట్గా నిలిచాయి. ముఖ్యంగా మాస్ ఎలివేషన్ సీన్స్, ఇంటర్వెల్ బ్యాంగ్, సెకండాఫ్లో కొన్ని సన్నివేశాలు అభిమానులను ఉత్సాహపరిచాయి.అయితే కథనం విషయంలో మాత్రం కొంత నెగటివ్ టాక్ వినిపిస్తోంది. పాత కథను కొత్తగా చెప్పినట్టుగా అనిపిస్తోందని, ట్రీట్మెంట్ ఔట్డేటెడ్గా ఉందని విమర్శలు ఉన్నాయి.దర్శకుడు హరీష్ శంకర్ మాస్ ఎలిమెంట్స్, ఫ్యాన్ సర్వీస్పై ఎక్కువ దృష్టి పెట్టారని, సాధారణ ప్రేక్షకులకు సినిమా పూర్తిగా కనెక్ట్ కాకపోవచ్చని ట్రేడ్ వర్గాలు అభిప్రాయపడుతున్నాయి.మొత్తం మీద ‘ఉస్తాద్ భగత్ సింగ్’ ఫ్యాన్స్కు పండగలా అనిపిస్తుండగా, సాధారణ ప్రేక్షకులకు మాత్రం రొటీన్ కమర్షియల్ ఎంటర్టైనర్గా భావిస్తున్నారు. బాక్సాఫీస్ వద్ద ఈ సినిమా ఫలితం పూర్తిగా వర్డ్ ఆఫ్ మౌత్పై ఆధారపడి ఉంటుందని విశ్లేషకులు చెబుతున్నారు.
