మార్చి 30, నేటి తెలుగు పత్రిక: హైదరాబాద్లో సీఎం రేవంత్ రెడ్డి చేసిన చిట్చాట్లో మాజీ సీఎం కేసీఆర్పై ఆసక్తికర వ్యాఖ్యలు చేశారు. రాజకీయంగా తనకు గుర్తింపు రావడంలో కేసీఆర్ పాత్ర ఉందని పేర్కొన్నారు.“కేసీఆర్ లేకపోతే నేను చేసిన మంచి పనులు ప్రజలకు తెలియవు. రావణుడి చెడు వల్లే రాముడి గొప్పతనం తెలిసినట్టే, కేసీఆర్ ఉండడం వల్లే నాకు గుర్తింపు వచ్చింది” అని రేవంత్ వ్యాఖ్యానించారు.ఇక కేసీఆర్ ప్రస్తుత పరిస్థితిపై కూడా రేవంత్ అనుమానం వ్యక్తం చేశారు. “కేసీఆర్ రెస్ట్ తీసుకుంటున్నారని అందరూ చెబుతున్నారు. కానీ నా అనుమానం ప్రకారం ఆయనను గృహనిర్బంధం చేసి ఉండొచ్చు” అని సంచలన వ్యాఖ్యలు చేశారు.ఈ వ్యాఖ్యలు రాష్ట్ర రాజకీయాల్లో చర్చనీయాంశంగా మారాయి.
