హైదరాబాద్ బాలాపూర్లో భారీ అగ్ని ప్రమాదం
హైదరాబాద్ పరిధిలోని బాలాపూర్లో సోమవారం తెల్లవారుజామున భారీ అగ్ని ప్రమాదం సంభవించింది. వివరాల ప్రకారం, ఓ ప్లాస్టిక్ గోడౌన్లో ఒక్కసారిగా మంటలు చెలరేగాయి. గోడౌన్లో ఎగిసిపడుతున్న మంటలను గమనించిన స్థానికులు వెంటనే పోలీసులు, అగ్నిమాపక సిబ్బందికి సమాచారం అందించారు.
తక్షణమే సంఘటనా స్థలానికి చేరుకున్న ఫైర్ సిబ్బంది, ఫైరింజన్ల సహాయంతో మంటలను అదుపులోకి తీసుకువచ్చారు. అదృష్టవశాత్తూ, రాత్రి వేళ గోడౌన్లో ఎవ్వరూ లేకపోవడంతో ప్రాణనష్టం జరగలేదు.
అయితే, ఈ ప్రమాదంలో జరిగిన ఆస్తి నష్టం వివరాలు ఇంకా తెలియరాలేదు. ఘటనకు గల కారణాలు తెలుసుకునేందుకు పోలీసులు దర్యాప్తు చేపట్టారు.
