ఓటర్లకు గుడ్‌న్యూస్..!

రేపు వేతనంతో కూడిన సెలవు – తెలంగాణ ప్రభుత్వం కీలక ప్రకటన.

నేటి తెలుగు పత్రిక: తెలంగాణ రాష్ట్రంలో మున్సిపల్ ఎన్నికల పోరుకు సర్వం సిద్ధమైంది. రాష్ట్రంలోని పలు మున్సిపాలిటీలు, కార్పొరేషన్లకు బుధవారం ఉదయం 7 నుంచి సాయంత్రం 5 గంటల వరకు పోలింగ్ జరగనుంది. ఈ నేపథ్యంలో అర్హులైన ప్రతి ఓటర్ తప్పకుండా ఓటు హక్కును వినియోగించుకునేలా రాష్ట్ర ప్రభుత్వం కీలక నిర్ణయం తీసుకుంది. ఎన్నికలు జరుగుతున్న ప్రాంతాల్లోని కార్మికులు, ఉద్యోగులకు వేతనంతో కూడిన సెలవు ప్రకటిస్తూ కార్మికశాఖ అధికారిక ఉత్తర్వులు జారీ చేసింది. ఓటు అనేది ప్రతి పౌరుడి మౌలిక హక్కు అని పేర్కొంటూ, ఉద్యోగాలు, పనుల కారణంగా ఎవరూ ఓటు వేయకుండా ఉండకూడదనే ఉద్దేశంతో ఈ నిర్ణయం తీసుకున్నట్లు ప్రభుత్వం స్పష్టం చేసింది.

📊 మున్సిపల్ ఎన్నికల పూర్తి వివరాలు

🔹 రాష్ట్రవ్యాప్తంగా 116 మున్సిపాలిటీలు, 7 కార్పొరేషన్లకు ఎన్నికలు
🔹 మొత్తం 2,996 వార్డుల్లో పోలింగ్
🔹 బరిలో 12,993 మంది అభ్యర్థులు
🔹 ఓటు హక్కు వినియోగించుకోనున్న వారు 52 లక్షల మందికి పైగా ఓటర్లు

శ్రీవారి లడ్డు కల్తీ చేయడంపై హిందూ మనోభావాలు దెబ్బతిన్నాయి…!

ఇప్పటికే ఎన్నికల నిర్వహణకు సంబంధించి అధికారులు అన్ని ఏర్పాట్లను పూర్తి చేశారు. పోలింగ్ కేంద్రాల వద్ద కట్టుదిట్టమైన భద్రతా ఏర్పాట్లు కూడా చేపట్టారు.

‘ఓటు హక్కు వినియోగించుకోండి’ – ప్రభుత్వ పిలుపు

మున్సిపల్ ఎన్నికలు జరుగుతున్న నగరపాలికలు, మున్సిపాలిటీల పరిధిలో పని చేస్తున్న ప్రభుత్వ, ప్రైవేట్ సంస్థల ఉద్యోగులు, కార్మికులు అందరికీ ఈ వేతనంతో కూడిన సెలవు వర్తిస్తుందని కార్మికశాఖ వెల్లడించింది.

మట్టి మాణిక్యాలను వెలికితీయడమే శాప్ లీగ్స్ లక్ష్యం.

👉 “ఓటు ప్రతి పౌరుడి హక్కు… ప్రతి ఒక్కరూ పోలింగ్‌లో పాల్గొని తమ ప్రజాస్వామ్య హక్కును వినియోగించుకోవాలి” అని ప్రభుత్వం పిలుపునిచ్చింది.