మే 26, (నేటి తెలుగు పత్రిక): ఆంధ్రప్రదేశ్లో ఎంఎస్ఎంఈ రంగాన్ని డిజిటల్గా మరింత బలోపేతం చేయడానికి రాష్ట్ర ప్రభుత్వం కీలక చర్యలు చేపట్టింది. “రెడీఫర్నెక్స్ట్” ఎంఎస్ఎంఈ సంసిద్ధత మదింపు కార్యక్రమాన్ని రాష్ట్రవ్యాప్తంగా అమలు చేసేందుకు వొడాఫోన్ ఐడియా బిజినెస్తో ప్రభుత్వం అవగాహన ఒప్పందం (MoU) కుదుర్చుకుంది.ఈ కార్యక్రమం ద్వారా ఎంఎస్ఎంఈలకు వారి డిజిటల్ పరిపక్వత స్థాయిని అంచనా వేసుకునే అవకాశం కలుగుతుంది. అలాగే సాంకేతిక లోపాలను గుర్తించి, ఉత్పాదకత, పోటీతత్వం, స్థిరత్వం మరియు సుస్థిర వృద్ధి కోసం అవసరమైన డిజిటల్ సాధనాలు, సాంకేతిక ఆధారిత వ్యాపార విధానాలను అవలంబించేందుకు సహకారం అందించనున్నారు.ఈ భాగస్వామ్యంతో రాష్ట్రంలోని చిన్న, మధ్య తరహా పరిశ్రమల డిజిటల్ పరివర్తన వేగవంతం కానుందని ప్రభుత్వం భావిస్తోంది. పెరుగుతున్న డిజిటల్ ఆర్థిక వ్యవస్థలో ఎంఎస్ఎంఈలు భవిష్యత్ అవసరాలకు అనుగుణంగా అభివృద్ధి చెందేందుకు ఈ కార్యక్రమం దోహదపడుతుందని ముఖ్యమంత్రి చంద్రబాబు నాయుడు తెలిపారు.
ఏపీ ఎంఎస్ఎంఈల డిజిటల్ అభివృద్ధికి కీలక అడుగు: సీఎం చంద్రబాబు
