రేవ్ పార్టీపై పోలీసుల దాడి

తూర్పుగోదావరిలో రేవ్ పార్టీపై పోలీసుల దాడి: 19 మంది అరెస్ట్

తూర్పుగోదావరి, డిసెంబర్ 29: తూర్పుగోదావరి జిల్లా కోరుకొండ మండలం బూరుగుపూడి గేట్ సమీపంలో కల్యాణ మండపంలో నిర్వహించిన రేవ్ పార్టీ కలకలం రేపింది. నూతన సంవత్సరం సందర్భంగా ఏర్పాటు చేసిన ఈ రేవ్ పార్టీపై తెల్లవారుజామున పోలీసులు స్పెషల్ రైడ్ నిర్వహించి, 19 మందిని అదుపులోకి తీసుకున్నారు.

ఆరెస్టైనవారిలో ఐదుగురు మహిళలు

ఈ దాడిలో ఐదుగురు మహిళలు, 14 మంది పురుషులు ఉన్నట్లు పోలీసులు తెలిపారు. వారి నుంచి అనుమానాస్పద వస్తువులు స్వాధీనం చేసుకున్నారు.

ఫెర్టిలైజర్ కంపెనీ ఉద్యోగులుగా అనుమానం

పోలీసుల ప్రాథమిక దర్యాప్తులో నిందితులు ఓ ఫెర్టిలైజర్ కంపెనీకి చెందిన ఉద్యోగులుగా గుర్తించారు. వారు గుంటూరు పరిసర ప్రాంతాల నుంచి వచ్చి పార్టీలో పాల్గొన్నట్లు వెల్లడైంది.

ప్రాంతీయ విద్వేషాలు రెచ్చగొట్టొద్దు: పవన్ కళ్యాణ్

పోలీసుల హెచ్చరిక

రేవ్ పార్టీలు, డ్రగ్స్ వంటి అక్రమ కార్యక్రమాలను సహించబోమని పోలీసులు స్పష్టం చేశారు. నూతన సంవత్సర వేడుకల పేరుతో నిబంధనలు ఉల్లంఘించే వారిపై కఠిన చర్యలు తీసుకుంటామని హెచ్చరించారు.

పూర్తి వివరాలను ఇంకా విచారిస్తున్నట్లు సమాచారం.