టీవీ చూస్తే జీవితం కాలం తగ్గిపోతుందని వైద్యుల హెచ్చరిక
ఒక గంటసేపు టీవీ చూడటం వలన 22 నిమిషాల జీవనకాలం తగ్గిపోతుందని అపోలో హాస్పిటల్స్ న్యూరాలజిస్ట్ డాక్టర్ సుధీర్ కుమార్ హెచ్చరించారు.
ఓ అధ్యయనం ప్రకారం, రోజుకు 6 గంటల పాటు టీవీ చూసేవారు, టీవీ చూడని వారితో పోలిస్తే సగటున 5 ఏళ్లు తక్కువ జీవిస్తారని తేలింది. ఈ నేపథ్యంలో, ప్రజలు టీవీ చూసే సమయాన్ని తగ్గించుకోవాలని, ఇతర స్క్రీన్లను కూడా తక్కువగా చూడాలని డాక్టర్ సుధీర్ కుమార్ సూచించారు.
అదనంగా, శారీరక వ్యాయామం లేదా పనులకు ప్రాధాన్యం ఇచ్చి, ఆరోగ్యకరమైన జీవనశైలిని అనుసరించాలని అన్నారు.
